غرفتي
يا غرفتي
السلام عليكم ورحمة الله وبركاته
على ضي السراج اللي نثر نوره على اهدابي
وسافر في معاناتي وعانق دمعة عيونــــــــي
على متن الوله شوقي خذاني لأغلى احبابــي
وفكري صافـــح ايامه ونومي عاند جفونــــي
غريب بغرفتي وحدي اعاني قسوة غيــــــابي
واناجي طيفه الساكن زوايا عمري وكـــــوني
على هالطاولة أقرأ شخــــابيطه على كتــــابي
وأنـــاظر صورة تحكي هدوءه وقمة جنــــوني
وذاك الكرسي اليــائس تعب من نظرة عتــابي
وانا اللـــي تهت بين الانتظار المر وظنــــوني
يداعب مسمعي صــوته وعطره يلبس ثيـــابي
خياله يبـــات في عيني ويسكن حبه ركــــوني
هنا في ضحّـــكني وهنا ثور لي اعصـــــــــابي
وانا ياغرفتي بعده كأنــي عــــــايش بدونـــــي
أسامر باقي أشياءه واسولف عن بعض مابــي
واحس انهم بعد مثلي على بعده يواسيـــــــني
ذبل ورد الفرح فيني وجذعه مــــــــات بترابي
عسى فصل الربيع يزور مرة يـــابس غصوني
فضحني شوقي لعينه ولا اقوى نظرة اصحابـي
وحشني قد هالدنيــــا وكثر الشوق وشجـــوني
رحل عمري مع غيــــــابه ونام الهم باعتــــابي
وش اللي فــــاد ياشبع الندم من عضة سنوني ؟
ياليـــــته يشوفني مكسور بعده وسط محــــرابي
ترى سيف البعد زوّد جــــروح الوقت وطعـــوني
متى يرجع لي الغــــــــايب ويطرق بالأمل بابي ؟
متى عقب الجفاف تحن وتذكر قلبي مزونــــــي ؟
ترى هذا الســـــراج اللي نثر نوره على اهدابـــي
بدت أنفـــــــاسه تسافر وتهجـــر دمعة عيونــــي
